A Grenza missachta
Dass ma im Läba kann an Grenza ko, das isch mir nüt Neus. Dass eim s Läba au immer wieder muass Gränza zeiga, das isch unabdingabar und eigentlich au nid mit grossa Gfohra verbunda. Gföhrlich wird s erscht, wenn du afangsch bewusst über d Grenza stiega. Sprich; wenn du an Zuun, a Abschrankig übergumpisch und dermit bereits mit egoistischer Absicht a Grenza missachtisch. Zum über so a Abschrankig stiega, muasch die bewega. Entweder obadurra oder unnadurra, das isch eigentlich glich. Aber du bewegsch dich und das us eigetem Willa und in eigener Kraft. Ussert du segsch uf der Flucht vor öppisem. Denn geltend wieder anderi Gsetz. Denn isch as din ureigena Überläbenswilla wo die atriebt über Zünn z springa oder under Abschrankiga durra z krücha.
Mini Grenzerfahriga wo i macha, händ bis hüt zum Glück no nia öppis mit Flucht z tua ka. Zudem ghör i au nid grad zu da flüchtiga Sorta. Flücha isch nid so mini Stärki. Und das nid nu weg der fählenda Fitness. Bevor i abhasa, stell i mi in der Regla liaber herra und luag mim Jäger direkt ins Gsicht. Das heisst, wenn er sich ins Gsicht luaga lot. Oft isch nämlich grad das wo eim jaga will selber uf der Flucht vor öppisem. Und denn isch es besser ma stellt sich dem Ding in dr Weg, stämmt d Arma in d Hüfta, schnuufet tüüf i und macht eifach mol grossi Auga und wartet ab was passiert. Und scho wird ma zur Grenza vo ma andera. Egal was oder wer vor eim stoht. Obs d Wuat oder obs d Angscht isch. Obs d Verzwieflig oder d Entdüschig isch.
Obs d Liabi oder d Truur isch. Keis vo allem hät s Recht eim in d Flucht z jaga. Ussert du losch dich jaga. Und denn wird das eba so a Sach mit denna Grenza. Denn vermischend sich eba d Züün vom Läba mit da Abschrankiga vo dim eigena Willa. Denn brechend uf z mol dia Zuunlatta wo du gmeint häsch sie hebend für immer, Pföschta fallend us der Verankerig und Gartatörli schletztend zua. Uf wellera Sita vom Zuun denn du in dem Moment grad stosch isch wia egal. Was zellt, isch dass du dich denn bewegsch. Ein Schritt noch am andera. Vorwärts in Richtig vo dem Gartatörli. Konzentrier die uf das Törli in dem Zuun wo vor diar stoht. Säg am Grüatzi wenn du be ihm ako bisch und denn machsch es uf und laufsch mit Stolz dem entgega, wo uf dr andera Siita vor Grenza uf die wartet.
Mini Grenzerfahriga wo i macha, händ bis hüt zum Glück no nia öppis mit Flucht z tua ka. Zudem ghör i au nid grad zu da flüchtiga Sorta. Flücha isch nid so mini Stärki. Und das nid nu weg der fählenda Fitness. Bevor i abhasa, stell i mi in der Regla liaber herra und luag mim Jäger direkt ins Gsicht. Das heisst, wenn er sich ins Gsicht luaga lot. Oft isch nämlich grad das wo eim jaga will selber uf der Flucht vor öppisem. Und denn isch es besser ma stellt sich dem Ding in dr Weg, stämmt d Arma in d Hüfta, schnuufet tüüf i und macht eifach mol grossi Auga und wartet ab was passiert. Und scho wird ma zur Grenza vo ma andera. Egal was oder wer vor eim stoht. Obs d Wuat oder obs d Angscht isch. Obs d Verzwieflig oder d Entdüschig isch.
Obs d Liabi oder d Truur isch. Keis vo allem hät s Recht eim in d Flucht z jaga. Ussert du losch dich jaga. Und denn wird das eba so a Sach mit denna Grenza. Denn vermischend sich eba d Züün vom Läba mit da Abschrankiga vo dim eigena Willa. Denn brechend uf z mol dia Zuunlatta wo du gmeint häsch sie hebend für immer, Pföschta fallend us der Verankerig und Gartatörli schletztend zua. Uf wellera Sita vom Zuun denn du in dem Moment grad stosch isch wia egal. Was zellt, isch dass du dich denn bewegsch. Ein Schritt noch am andera. Vorwärts in Richtig vo dem Gartatörli. Konzentrier die uf das Törli in dem Zuun wo vor diar stoht. Säg am Grüatzi wenn du be ihm ako bisch und denn machsch es uf und laufsch mit Stolz dem entgega, wo uf dr andera Siita vor Grenza uf die wartet.