Jo – dick und trotzdem fit!
Hüt han i miar fescht vorgno zum s schöna Wetter verdussa und nid nu dinna gnüssa, mis neue E-Bike sattla und ab um da Calanda trampla. Jo, i han as E-Bike! Und jo, i bin kei schlanki Bikeri und jo i ghöra sogar durchus zu da recht übergwichtiga Fraua uf derra Welt! Und jo, as isch mir bewusst, dass i ohni E-Bike nid ohni absoluti Disziplin und Training über da Kunkelspass könnt fahra. Und jo, i bsitza tatsächlich d Frächheit zum trotzdem uf minem E-Bike da Berg duruf und durab z höpperla. Und jo, as macht mir sogar Freud. Obwohl eim eigentlich d Freud be gwüssa Blick im Hals könnt stecka blieba und spötestens denn im Kopf doba a Hürdasprung muand nä, wenn ma näb da hämischa Blickkontakt au no mit verbala Herusforderiga vo sim Gegaüber konfrontiert wird.
„Langt Ihna da Motor bis ufa?“ oder „Sepp, luag mol dia Dick döt uf dem Velo. Das kann bestimmt nu as E.Bike si!“ oder „Bruchsch a Pumpi für di plattdruckta Pnö?“ oder „Ah, häsch as au gschafft, Dank dim Motor, gäll?“ oder „Muasch din Aku in der Länkstanga verstecka?“ oder „Phua, was macht dia, wenn ihra Aku leer isch?“ Das sind alles verbali Agriff - wia klini giftigi Pfiel uf 20 Kilo Übergwicht. Dia Pfiel sind aber nid so schlimm, wia die nonverbala Moment vo durratrainierta Bikerinna und Biker be mim Ako am Ziel, bem Wechsla vo mim durragschwitzta Liebli (jo, trotz ama Aku tuan au i schwitza) und bem Bstella vo ma küahla alkoholfreia Moscht uf dr Terassa vo dr Bergbeiz.
Und wüssend ihr was? Dia Blick dia sind träffend und dia tüand weh! Jo i bin dick und i mach trotzdem Sport! Ghört denn da Sport nu da schlanka Menscha? Wenn i uf der Suachi noch ara neue Velohosa oder ma neua Bikliebli bin denn könnt ma das durchus meina. Das zücht sich übrigens querbeet durra durch alli Sportbekleidig. Langlaufa, wenn dick bisch – muasch fascht im Pischama uf d Loipa als Frau. Wandera – reden mir liaber nid dervo! Skifahra – jo, wenn mit ara Männerjacka z frieda bisch, denn gots. Aber Bika! Bike du mit ara Männerhosa wo s Polschter am Füdli uf anderi Stella feschtgleit isch als be üs Fraua! Und glich – jo i han der Plausch und jo, i tuan minera Seel und minem Körper öppis z liab wenn i dussa in der Natur min Puls ufajaga. Au mit ama Aku! Und jo, i gibs sogar zua, dass es huara lässig isch, wenn mit am Partner über alli Berga trampla kasch, well dank dinem Motörli (Trampla muass ma übrigens immer no selber) zäma mit am Schatz darfsch öppis erläba. Jo – i bin dick und trotzdem fit!
„Langt Ihna da Motor bis ufa?“ oder „Sepp, luag mol dia Dick döt uf dem Velo. Das kann bestimmt nu as E.Bike si!“ oder „Bruchsch a Pumpi für di plattdruckta Pnö?“ oder „Ah, häsch as au gschafft, Dank dim Motor, gäll?“ oder „Muasch din Aku in der Länkstanga verstecka?“ oder „Phua, was macht dia, wenn ihra Aku leer isch?“ Das sind alles verbali Agriff - wia klini giftigi Pfiel uf 20 Kilo Übergwicht. Dia Pfiel sind aber nid so schlimm, wia die nonverbala Moment vo durratrainierta Bikerinna und Biker be mim Ako am Ziel, bem Wechsla vo mim durragschwitzta Liebli (jo, trotz ama Aku tuan au i schwitza) und bem Bstella vo ma küahla alkoholfreia Moscht uf dr Terassa vo dr Bergbeiz.
Und wüssend ihr was? Dia Blick dia sind träffend und dia tüand weh! Jo i bin dick und i mach trotzdem Sport! Ghört denn da Sport nu da schlanka Menscha? Wenn i uf der Suachi noch ara neue Velohosa oder ma neua Bikliebli bin denn könnt ma das durchus meina. Das zücht sich übrigens querbeet durra durch alli Sportbekleidig. Langlaufa, wenn dick bisch – muasch fascht im Pischama uf d Loipa als Frau. Wandera – reden mir liaber nid dervo! Skifahra – jo, wenn mit ara Männerjacka z frieda bisch, denn gots. Aber Bika! Bike du mit ara Männerhosa wo s Polschter am Füdli uf anderi Stella feschtgleit isch als be üs Fraua! Und glich – jo i han der Plausch und jo, i tuan minera Seel und minem Körper öppis z liab wenn i dussa in der Natur min Puls ufajaga. Au mit ama Aku! Und jo, i gibs sogar zua, dass es huara lässig isch, wenn mit am Partner über alli Berga trampla kasch, well dank dinem Motörli (Trampla muass ma übrigens immer no selber) zäma mit am Schatz darfsch öppis erläba. Jo – i bin dick und trotzdem fit!