Blog

Annina Giovanoli
Dä nassi Bock In Erinnerig an die vergangeni Jagdziet, schrieb i im November Blog mol as Gedicht. As heisst: dä nassi Bock und i witma das gedicht am na alta Gämsjäger.

Nass sini Schuah, nass sind sini Füass.
D`Nässi sugt an der Wulla vo sina Socka – lutscht an der Zunga und an da Sohla bis uffa zu da Schauhbändel und holt sich gierig ihren Anteil in da durchnässta Läderschuah. As Quitscha fascht wia as Quaka vo nara Bergenta mischt sich bem Abstieg mit jedem Schritt ins Tal.
Nass isch sina Tschoppa, nass isch sis Hemd – nass sini Huut uf sinem Buuch.
Nass isch isch sina Huat, nass isch sis Hoor – nass sina Bart, Tropfa laufend über s`nassa Gsicht.
Nass isch sin Rucksack und schwär im Gwicht der druf bundnig Bock mit kapitalem Krikelmass.
Nass sind sini Schuah, nass sini Füass und nass sind sini Träna vor Freud.
Annina Giovanoli
Haldenstein, November 2018