Bewusst nüt vornäh Ob ma sich im neua Johr au mol bewusst nüt söll vornäh, das wett i in dem frisch agfangniga Johr mol usprobiara. Das isch also so z`säga mina Vorsatz für s neua Johr: „ i nimm mir bewusst nüt vor.“ Mit so ma Vorsatz kasch doch eigentlich nu gwinna. Denn, wenn i mir nüt vornimma, denn muass i au nit entdüscht si, wenn i das wo i mir vorgno han nid ihalta. Ob i das schaffa, mit dem Vorsatz, dass gseht ma denn ganz schnell. Aber, wenn i mir nüt vornimma, denn kann i jo au nüt usfüahra. Geschweige denn plana. Nei! Das liet nid drin, denn i han mir uf s neua Johr under anderem vorgno zum as Freilichtheater inszenira. Anna Göldi. D Gschicht vo dr Glarner Magd wo ma 1552 hiegrichtat hät. Us Dummheit und Hochmuat. Intriganta und anderi Hüchler sind für ihra Tod verantwortlich und das gspührend d Glarner no hüt. Also, denn muass i mir dä Vorsatz vom Silvester no mol ganz guat überlegga, denn i wett unbedingt d Gschicht vor Anna neu ufzeiga und verzella.