1.-August-Rede Obervaz
Liabi Maitla und Buaba, liabi Fraua und Manna
Was söll i jetzt do au säga. I bin iglada worda zum do be eu in Zorten a Red z halta. An 1. August Red. Well hüt aber no da 31. Juli isch, wers jo eigentlich nid ganz korrekt wenn i wür a 1. Augustred halta. Drum isch mini Asproch a 31. Juli Asproch. Ihr könnd mir glauba, gret han i scho viel in minem Läba, aber a Red ghalta zu Ehra vo üsem Nationalfiertig , das han i weiss Gott jetzt glich no nia. I han mi bitz umagfrogt über was ma denn in sonara Red sötti reda und denn isch immer wieder das Wörtli Patriotismus derbi gsi. Und so han i mi in da letschta Tag ernsthaft afanga froga ob i do derzua öppis z säga han. Weiss i überhaupt was Patriotismus bedütet und wott i do drüber reda? Nu so zur Sicherheit han i den das Wort glich mol uf Google igä und as sind mir sofort Wörter wia Nationalstolz und Nationalgfühl ins Aug gsprunga. Und denn isch mir no s Wort Vaterlandsliebe ufgfalla, denn das isch als einzigs Wort fett druckt gsi.
Vaterland, han i denkt und wieso muass das Wort als einzigs vo allna Wörter fett gschrieba sie uf Wikipedia? Wieso könnt döt jetzt nid au Muatterland sto? - Nei, kei Angscht werti Festbsuacherinna und Festbsuacher. I witma jetzt dia Red nid am Frauarecht, das könnd anderi viel besser als i. I ghöra au nid zu denna Fraua wo am 14. Juni mit ara violetta Schlaufa um da Hals durch Chur zoga sind. Das bin nid i. Für mi stoht weder d Frau no da Ma im Vordergrund, für mi zellt da Mensch, aber das nu so am Rand. Aber das fettgschriebniga Vaterland, das hätt mi jetzt glich bitzli gwurmt. Wo i aber bitz länger drüber no gstudiert han, isch mir spontan a anders Wort in Sinn ko, d`Muattersproch. Ok han i denkt, söll doch üses Vaterland fett druckt uf Wikipedia stoh – da Usglich mit am Wort Muattersproch machts wieder wett. Und wenn i mit guatem Gwüssa kann sega, dass i d Muattersproch vo minem Vaterland reda, denn muass i au kei Angscht meh ha vo nara 1. Auguscht asproch am 31. Juli.
I bin dr Iladig vom Jon Caviezel gfolgt und hüt uf Zorten ko. Und so han i denkt, i könnt da Fada zu minera Asproch doch au grad bem Jon aknüpfa.I bin no a Primarschüaleri gsi wo min Vater schwer verunglückt isch. In derra Ziet han i und mini klin Schwöster oft dörfa bes Caviezels und bes Monsteins s Wuchaend verbringa. Miar zwei Maitla händ döt wia selbstverständlich dörfa wohna und sind in intakta Familina ufgno gsi. Das hät minera Muatter wiederum a Sicherheit gä und si hät könna in dr Kraft üsem Vater im Spitol zur Sieta stoh. I han also scho ganz früa dörfa lärna, wia wichtig a guat funktionierends Netzwerk darf sie und wia wertvoll d Struktur vo ma soziala Kreis si kann, wenn ma druf vertraut. Ob dä sozial Kreis us Familia oder us Fründa oder us ara Wohngmeinschaft bestoht spielt derbie nid so a Rolla. Wichtig isch s Fundament vo nara Gmeinschaft. Wenn das stimmt, denn ha i nämli d Möglichkeit s wichtigsta z lärna, wo i im Läba brucha. Wärt. D Wärt lärna und erkenna isch d Grundlag vom Wärt läba und erläba.
I bin dr felsa feschta Überzügig, dass s Lerna und vorallem s Begriefa vo üsna Wärt d Grundlag zum a Mitanand in der Gsellschaft isch. Wärt het nia öppis mit wärta z tua. Das wird leider oft verwechslat und wenn denn in der Schual au no s Bewerta derzua kunnt, entstoht a Blockada und miar stönd in üsna Wärt massiv a. Wenn aber jeda vo üs erkennt, wia wertvoll jedem einzalna sini Wärt sind, denn entsoht a Basis und d Möglichkeit vo ma wertvolla Zämmasie. Wertschätza, seit ma denn dem und us derra Grundlag könnd denn neui gmeinsami Wert wia Tolernaz, Akzeptanz, Fairnes, Loyalität etc. derzua ko. In üsem guata und leider nüm weg z denkanda Internet kann ma ganzi Lista vo Wärt aba lada. Und ihr glaubends nid, tatsächlich isch mir uf so nara Lista wiederum s Wörtli Vaterland entgega gumpet. Zwar nüm fett druckt, aber trotzdem. So erlaub i mir doch nomal as paar Gedanka zu dem Vaterland z macha. S mag jo an Zuafall si, dass uf derra Lista oberhalb vo Vaterland s Wörtli Unabhängigkeit gstanda isch. Isch Unabhängigkeit für mi a Wärt? Bin i unabhängig und wett i das überhaupt si?
Eigentlich isch Unabhängigkeit jo das Schlagwort für üses Land. Die unabhängig Schwiz. Sind miar das? Jeda wo sich nu as bitzli in der Gschicht vor Schwiz uskennt hät do viellicht sini Zwiefel. I überlo gära jedem einzelna vo eu d Interpretation vo üsera Staatspolitischa Unabhängigkeit. Und gang drum zrugg zu minera Google Lista. Underhalb vo Vaterland stot: Verantwortig. Öb das echt au nu a Zuafall isch? Verantwortig under am Vaterland. Verantwortig? Was heisst das? Heisst das füahra, leita, manage. Heisst das regiara? Dominiara? Diktiara?
Wieviel Regierigs-Chefa uf üsera Welt stönd in dr Verantwortig und wüssend nid was das heisst. Verantwortig stoht für mi in direktem Zämmahang mit Vertraua. Wer sich selber nia glärnt hät z vertraua kann kei Verantwortig übernä. Und somit wärend mir jetzt au ber Eigaverantwortig ako. Denn – solang mir nid zu üs selber stönd, d Schuld no immer andera Gruppieriga, anders Gläubiag, anderst Denkenda, anderst Essende, anders Ussehenda in d Schua schieband, wird `s no lang Regierigs - Chefa gä wo meinend Verantwortig ha bedüti Macht! Und jetz bin i glich politsich worda, und das han i jo gar nid wella.
Was i han wella säga isch, dass miar nid vergässand wia wichtig s isch, dass s Fundament vo nara Gmeinschaft da Grunstei zum spötera Zämmaläba isch. Wenns im Klina haut, denn hauts au im Grossa. Wenn üsi Familia, egal in wellera Zämmasetzig und Form, läbend, denn funktionierend au üsi Gmeinda, üsi Dörfer, üsi Städt und üses Land. Wenn üsi Kind wieterhin dörfend in Liabi ihri eigna Wärt lärna und begriefa, wenn miar ihna au d Möglichkeit bütend, dass sie si dörfend usläba, grad in dr Schual und im spötera Bruafsläba, denn werdend gsundi Struktura in a Gselschaft, in a Komuna treit. Wenn miar üsna Kind im Vertraua lärnend was Verantwortig heisst denn wird’s in Zuakunft Regierigs-Chef uf üsera Welt gä wo in ihrera Eigaverantwortig ihri Ufgab mit grosser Motivation und in guater und gsunder Kommunikation usfüahrend.
Uf dem Weg söttend aber au mir üs immer wieder an der Nasa nä. Wieviel Partnerschafta schieterend an der eigna Erwartiga, wieviel Verein gönd i, well niamert me Lust hät sich z verpflichta oder a Verantwortig übernä. Wieviel Gmeinda springend uf s Fusionszügli uf wells ringer isch abgä als aznä. Wieviel Kirchgmeinda sind am Aschlag well s ihri Mitglieder nu no uf am Stürzettel könnt erkenna. Wieviel hochmoderni Altersheim werden baut und wieviel Kinderkrippaplätz werdend gsuacht? Wieviel Lehrmeister suachend an Stift oder a Stiftin? Wieviel Läda sind zua ganga well s`Digitala s`Soziala immer meh verdrängt hät.I frog mi scho au immer wieder, wieso isch das was mol guat gsi isch uf z mol nüm guat?
Wieso muass es im urbana Rum neui Studialehrgäng über naturnochs Zämmaläba gä? Soziologie Studiumsplätz mit am Schwergwicht Dreigenerationahushalt? Masterstudiagäng zur nochhaltiga Landwirtschaft? Wieso müand üsi Junga ufzmol das go studiara wo über Johrhundert zu da Grundwert vor alpina Bevölkerig ghört hät? Aber das sind nu so paar Gedanka und do drüber könnt ma stunda lang diskutiera. I wett jetzt au nüm länger werda, liabi Maitla und Buaba, liabi Fraua und Männer. Und glich bin i miar sicher, dass es miar alli in dr Hand hettend üsera Welt a klina Schupf wieder in a Richtig z gä wo sehr viel mit Verantwortig gegaüber sich selber und üsem Mitanand z tua hät.So Feschter wia hüt Obig sind wichtig und sind richtig. Aber do derzua bruchts nid unbedingt an Nationalfiertig. Das kann durchus au ama 31. Juli passiera. So bedanka i mi herzlich für eues Dosie, für eues Zualosa und für eues Mitanand in eurer Heimat.
Was söll i jetzt do au säga. I bin iglada worda zum do be eu in Zorten a Red z halta. An 1. August Red. Well hüt aber no da 31. Juli isch, wers jo eigentlich nid ganz korrekt wenn i wür a 1. Augustred halta. Drum isch mini Asproch a 31. Juli Asproch. Ihr könnd mir glauba, gret han i scho viel in minem Läba, aber a Red ghalta zu Ehra vo üsem Nationalfiertig , das han i weiss Gott jetzt glich no nia. I han mi bitz umagfrogt über was ma denn in sonara Red sötti reda und denn isch immer wieder das Wörtli Patriotismus derbi gsi. Und so han i mi in da letschta Tag ernsthaft afanga froga ob i do derzua öppis z säga han. Weiss i überhaupt was Patriotismus bedütet und wott i do drüber reda? Nu so zur Sicherheit han i den das Wort glich mol uf Google igä und as sind mir sofort Wörter wia Nationalstolz und Nationalgfühl ins Aug gsprunga. Und denn isch mir no s Wort Vaterlandsliebe ufgfalla, denn das isch als einzigs Wort fett druckt gsi.
Vaterland, han i denkt und wieso muass das Wort als einzigs vo allna Wörter fett gschrieba sie uf Wikipedia? Wieso könnt döt jetzt nid au Muatterland sto? - Nei, kei Angscht werti Festbsuacherinna und Festbsuacher. I witma jetzt dia Red nid am Frauarecht, das könnd anderi viel besser als i. I ghöra au nid zu denna Fraua wo am 14. Juni mit ara violetta Schlaufa um da Hals durch Chur zoga sind. Das bin nid i. Für mi stoht weder d Frau no da Ma im Vordergrund, für mi zellt da Mensch, aber das nu so am Rand. Aber das fettgschriebniga Vaterland, das hätt mi jetzt glich bitzli gwurmt. Wo i aber bitz länger drüber no gstudiert han, isch mir spontan a anders Wort in Sinn ko, d`Muattersproch. Ok han i denkt, söll doch üses Vaterland fett druckt uf Wikipedia stoh – da Usglich mit am Wort Muattersproch machts wieder wett. Und wenn i mit guatem Gwüssa kann sega, dass i d Muattersproch vo minem Vaterland reda, denn muass i au kei Angscht meh ha vo nara 1. Auguscht asproch am 31. Juli.
I bin dr Iladig vom Jon Caviezel gfolgt und hüt uf Zorten ko. Und so han i denkt, i könnt da Fada zu minera Asproch doch au grad bem Jon aknüpfa.I bin no a Primarschüaleri gsi wo min Vater schwer verunglückt isch. In derra Ziet han i und mini klin Schwöster oft dörfa bes Caviezels und bes Monsteins s Wuchaend verbringa. Miar zwei Maitla händ döt wia selbstverständlich dörfa wohna und sind in intakta Familina ufgno gsi. Das hät minera Muatter wiederum a Sicherheit gä und si hät könna in dr Kraft üsem Vater im Spitol zur Sieta stoh. I han also scho ganz früa dörfa lärna, wia wichtig a guat funktionierends Netzwerk darf sie und wia wertvoll d Struktur vo ma soziala Kreis si kann, wenn ma druf vertraut. Ob dä sozial Kreis us Familia oder us Fründa oder us ara Wohngmeinschaft bestoht spielt derbie nid so a Rolla. Wichtig isch s Fundament vo nara Gmeinschaft. Wenn das stimmt, denn ha i nämli d Möglichkeit s wichtigsta z lärna, wo i im Läba brucha. Wärt. D Wärt lärna und erkenna isch d Grundlag vom Wärt läba und erläba.
I bin dr felsa feschta Überzügig, dass s Lerna und vorallem s Begriefa vo üsna Wärt d Grundlag zum a Mitanand in der Gsellschaft isch. Wärt het nia öppis mit wärta z tua. Das wird leider oft verwechslat und wenn denn in der Schual au no s Bewerta derzua kunnt, entstoht a Blockada und miar stönd in üsna Wärt massiv a. Wenn aber jeda vo üs erkennt, wia wertvoll jedem einzalna sini Wärt sind, denn entsoht a Basis und d Möglichkeit vo ma wertvolla Zämmasie. Wertschätza, seit ma denn dem und us derra Grundlag könnd denn neui gmeinsami Wert wia Tolernaz, Akzeptanz, Fairnes, Loyalität etc. derzua ko. In üsem guata und leider nüm weg z denkanda Internet kann ma ganzi Lista vo Wärt aba lada. Und ihr glaubends nid, tatsächlich isch mir uf so nara Lista wiederum s Wörtli Vaterland entgega gumpet. Zwar nüm fett druckt, aber trotzdem. So erlaub i mir doch nomal as paar Gedanka zu dem Vaterland z macha. S mag jo an Zuafall si, dass uf derra Lista oberhalb vo Vaterland s Wörtli Unabhängigkeit gstanda isch. Isch Unabhängigkeit für mi a Wärt? Bin i unabhängig und wett i das überhaupt si?
Eigentlich isch Unabhängigkeit jo das Schlagwort für üses Land. Die unabhängig Schwiz. Sind miar das? Jeda wo sich nu as bitzli in der Gschicht vor Schwiz uskennt hät do viellicht sini Zwiefel. I überlo gära jedem einzelna vo eu d Interpretation vo üsera Staatspolitischa Unabhängigkeit. Und gang drum zrugg zu minera Google Lista. Underhalb vo Vaterland stot: Verantwortig. Öb das echt au nu a Zuafall isch? Verantwortig under am Vaterland. Verantwortig? Was heisst das? Heisst das füahra, leita, manage. Heisst das regiara? Dominiara? Diktiara?
Wieviel Regierigs-Chefa uf üsera Welt stönd in dr Verantwortig und wüssend nid was das heisst. Verantwortig stoht für mi in direktem Zämmahang mit Vertraua. Wer sich selber nia glärnt hät z vertraua kann kei Verantwortig übernä. Und somit wärend mir jetzt au ber Eigaverantwortig ako. Denn – solang mir nid zu üs selber stönd, d Schuld no immer andera Gruppieriga, anders Gläubiag, anderst Denkenda, anderst Essende, anders Ussehenda in d Schua schieband, wird `s no lang Regierigs - Chefa gä wo meinend Verantwortig ha bedüti Macht! Und jetz bin i glich politsich worda, und das han i jo gar nid wella.
Was i han wella säga isch, dass miar nid vergässand wia wichtig s isch, dass s Fundament vo nara Gmeinschaft da Grunstei zum spötera Zämmaläba isch. Wenns im Klina haut, denn hauts au im Grossa. Wenn üsi Familia, egal in wellera Zämmasetzig und Form, läbend, denn funktionierend au üsi Gmeinda, üsi Dörfer, üsi Städt und üses Land. Wenn üsi Kind wieterhin dörfend in Liabi ihri eigna Wärt lärna und begriefa, wenn miar ihna au d Möglichkeit bütend, dass sie si dörfend usläba, grad in dr Schual und im spötera Bruafsläba, denn werdend gsundi Struktura in a Gselschaft, in a Komuna treit. Wenn miar üsna Kind im Vertraua lärnend was Verantwortig heisst denn wird’s in Zuakunft Regierigs-Chef uf üsera Welt gä wo in ihrera Eigaverantwortig ihri Ufgab mit grosser Motivation und in guater und gsunder Kommunikation usfüahrend.
Uf dem Weg söttend aber au mir üs immer wieder an der Nasa nä. Wieviel Partnerschafta schieterend an der eigna Erwartiga, wieviel Verein gönd i, well niamert me Lust hät sich z verpflichta oder a Verantwortig übernä. Wieviel Gmeinda springend uf s Fusionszügli uf wells ringer isch abgä als aznä. Wieviel Kirchgmeinda sind am Aschlag well s ihri Mitglieder nu no uf am Stürzettel könnt erkenna. Wieviel hochmoderni Altersheim werden baut und wieviel Kinderkrippaplätz werdend gsuacht? Wieviel Lehrmeister suachend an Stift oder a Stiftin? Wieviel Läda sind zua ganga well s`Digitala s`Soziala immer meh verdrängt hät.I frog mi scho au immer wieder, wieso isch das was mol guat gsi isch uf z mol nüm guat?
Wieso muass es im urbana Rum neui Studialehrgäng über naturnochs Zämmaläba gä? Soziologie Studiumsplätz mit am Schwergwicht Dreigenerationahushalt? Masterstudiagäng zur nochhaltiga Landwirtschaft? Wieso müand üsi Junga ufzmol das go studiara wo über Johrhundert zu da Grundwert vor alpina Bevölkerig ghört hät? Aber das sind nu so paar Gedanka und do drüber könnt ma stunda lang diskutiera. I wett jetzt au nüm länger werda, liabi Maitla und Buaba, liabi Fraua und Männer. Und glich bin i miar sicher, dass es miar alli in dr Hand hettend üsera Welt a klina Schupf wieder in a Richtig z gä wo sehr viel mit Verantwortig gegaüber sich selber und üsem Mitanand z tua hät.So Feschter wia hüt Obig sind wichtig und sind richtig. Aber do derzua bruchts nid unbedingt an Nationalfiertig. Das kann durchus au ama 31. Juli passiera. So bedanka i mi herzlich für eues Dosie, für eues Zualosa und für eues Mitanand in eurer Heimat.